ၵၢၼ်တႆးၼႆႉ ပဵၼ်ပုၼ်ႈၽွၼ်းၽႂ်

                       

                       ၵၢၼ်တႆးၼႆႉ ႁဝ်းႁႃးတေဝႆႉပၼ် ပုၼ်ႈၽွၼ်းၽႂ်ႁဵတ်း??? ဢမ်ႇၼၼ် တေမုင်ႈမွင်းႁႂ်ႈပိူၼ်ႈမႃးႁဵတ်းပၼ်ႁိုဝ် ??? ဢမ်ႇၼၼ် ပႂ်ႉလႅမ်းၵိၼ်ၼႂ်းၵႄႈၵၢင်မၼ်းႁိုဝ်??? ဢမ်ႇၼၼ် တေဢွၼ် ၵၼ်ပွႆႇပႅတ်ႈဝၢၼ်ႈၵိူတ်ႇမိူင်းၼွၼ်းတူဝ်ၸဝ်ႈၵဝ်ႇသေ ၵႂႃႇယူႇလွတ်ႈ ၵတ်းၵတ်းယဵၼ်ယဵၼ်ယူႇမိူင်းပိူၼ်ႈႁိုဝ်? ၵၢၼ်တႆးၼႆႉ ပၢၼ်သိုပ်ႇပၢၼ် လၢၼ်သိုပ်ႇလၢၼ် လုၵ်ႈသိုပ်ႇလုၵ်ႈ ဢၼ်ႁဵတ်းမႃး တေႃႇထိုင် ပၢၼ်ၼႆႉၵေႃႈတိုၵ်ႉႁၼ်မိူၼ်ၵဝ်ႇယူႇၵူၺ်းလႄႈ ဢမ်ႇပႆႇမုင်ႈႁၼ် သၢႆလႅင်းဢွၼ်ႇတၢင်းၼႃႈလႄႈ တႆးဝၼ်းမိူဝ်ႈၼႆႉ ဢွၼ်ၵၼ် ၸႂ်တူၵ်း ၸႂ်သဵင်ႈမႃး ၼိူဝ်ၵၢၼ်တႆး ဢမ်ႇၼၼ် ၵၢၼ်ပဵၼ်တႆးၼႆႉယဝ်ႉႁိုဝ်ၼေႃ။ ပေႃးတေၶိုၼ်းတွပ်ႇဝႃႈၵေႃႈ ၸႂ်ႈယဝ်ႉ ၵူၼ်းၼုမ်ႇတႆး ဝၼ်းမိူဝ်ႈၼႆႉ ၽိူဝ်ႇသေၺႃးၵွႆးၾႆးၶဝ်ႈတႃႈ သမ်ႉလႆႈမႃးထုၵ်ႇၺႃးဢဝ်မၢၼ်ႇတႃ လမ်သႂ်ႇထႅင်ႈၼၼ်ႉ ႁိုဝ်တေၸၢင်ႈႁၼ်လႅင်းလႆႈတေႉတေႉယဝ်ႉ။

                         ၵၢၼ်တႆးၼႆႉ တႆးတေလႆႈႁဵတ်း တႆးတေလႆႈၶဝ်ႈႁူမ်ႈၵူႈၽၢႆႇၽၢႆႇလႄႈ ဢွၼ်တူင်ႉၼိုင်ႁဵတ်းသၢင်ႈ ယၢမ်းလဵဝ် ႁဝ်းယႃႇပေဢွၼ်ၵၼ်ဝူၼ်ႉႁၼ်ထိုင်ဝႃႈ ၵွပ်ႈသိုၵ်းတႆး ယိုဝ်းၵၼ် ၵွပ်ႈသိုၵ်းဢမ်ႇၶဝ်ႈၵၼ် ၵၢၼ်မိူင်းၵေႃႈ ဢမ်ႇႁၼ်ဢွၼ်တူင်ႉၼိုင်သင် ဢမ်ႇႁၼ်ၶဝ်ဢွၵ်ႇမႃးလၢတ်ႈသင် ၼႆသေ ၼႄးၵဝ်ၼႄးမႂ်းၵၼ် ယူႇယဝ်ႉ. လုၵ်ႉတီႈ တူဝ်ၸဝ်ႈၵဝ်ႇ ႁဵတ်းပဵၼ်လႆႈၸိူင်ႉႁိုဝ်ၵေႃႈ လုၵ်ႉႁဵတ်းၵႂႃႇၼၼ်ႉလီတေႉတေႉယဝ်ႉ။

• တႆးႁဝ်းဝၼ်းမိူဝ်ႈၼႆႉ

                        ယွၼ်ႉဢမ်ႇႁၢင်ႈႁႅၼ်း ဢမ်ႇဢွၼ်ၵၼ်ႁဵတ်းသၢင်ႈဝႆႉ ဝၼ်းလင်လႄႈ ဝၼ်းမိူဝ်ႈၼႆႉ မိူင်းတႆးလႄႈ ၵူၼ်းမိူင်းတႆး ၸၢင်ႇလႆႈတုၵ်ႉၶ ယၢပ်ႇၽိုတ်ႇယဝ်ႉ။ ပေႃးမႃးတူၺ်း ၸၢဝ်းၶိူဝ်းဢွၼ်ႇၶဝ် ဢွၼ်ၵၼ် လုၵ်ႉတူင်ႉၼိုင် ႁဵတ်းသၢင်ႈၵၢၼ်ၶိူဝ်းတူဝ်ၵဝ်ႇၶဝ် မႃးႁၢဝ်ႉႁၢဝ်ႉႁႅင်းႁႅင်းသေ ပေႃးၶၢမ်ႇပူၼ်ႉ ပီႈဢၢႆႈလူင် ၶဝ်ဢၼ်ဢွၼ်ၵၼ်ႁွင်ႉမႃးဝႃႈ တႆး ၼႆၼၼ်ႉယဝ်ႉႁိုဝ်၊ ၵၢၼ်ပိူၼ်ႈ ပိူၼ်ႈတေႁဵတ်းၼၼ်ႉ ပဵၼ်ၾိင်ႈပိူင်ပိူၼ်ႈယဝ်ႉ ၵၢၼ်တႆး တႆးႁဝ်းဢမ်ႇႁဵတ်းၼၼ်ႉတေႉ မၼ်းၶႆႈၽိတ်းပိူင်ႈဢိတ်းဢိတ်းယူႇ။

                        ပေႃးဢဝ်ပိုၼ်းဝၼ်းလင်မႃး ဝႃႈတႆးၼႆႉ ပဵၼ်ၶိူဝ်းၸဝ်ႈၶိူဝ်းၶုၼ် ၶိူဝ်းၶုၼ်သၢင် ၶိူဝ်းသိူဝ်ၶၢၼ်ၾႃႉ ၶိူဝ်းမိူင်းႁေႃသႅင်လူင် ၶိူဝ်းလၢၼ်ႉၸဝ်ႈလူင် လၢတ်ႈလူင်ၵႂႃႇ ၶႆႇလူင်ၵႂႃႇ လဵၿ်ႈႁဵၼ်းလူင်ၵႂႃႇ ငိၼ်းလူင်ၵႂႃႇၵူႈၽၢႆႇၽၢႆႇ ၵူႈတၢင်းတၢင်းသေ ပေႃးမႃး တူၺ်းဝၼ်းမိူဝ်ႈၼႆႉ တႆးမီးပိုၼ်းဝၼ်းလင်ၵူၺ်း ပိုၼ်းဝၼ်းၼႃႈလႄႈ ပိုၼ်းဢၼ်တေမႃးၼၼ်ႉ  တႃႇတေသၢင်ႈ ႁႂ်ႈၶိူဝ်းတႆး ၵူၼ်းမိူင်းတႆးၸိူဝ်ႉၶိူဝ်းတႆး ႁႅင်းယႂ်ႇၶိုၼ်ႈမႃးလႆႈမိူၼ် ပၢၼ်ပဵၼ်မႃး ပိုၼ်းဝၼ်းလင်ၼၼ်ႉ လႆႈ ႁၼ်ထိုင်ဝႃႈ ထိုင်ၶၢဝ်းယၢမ်း ၵူၼ်းၼုမ်ႇႁဝ်း ထုၵ်ႇလီဢွၼ်ၵၼ်တူင်ႉတိုၼ်ႁဵတ်းသၢင်ႈယဝ်ႉ။ ပေႃးတေၵုမ်ႇ ဢွၼ်ၵၼ်ပၢႆႈ ဢွၼ်ၵၼ်ၸႂ်တူၵ်းၸွမ်းလွင်ႈ ဝၼ်းမိူဝ်ႈၼႆႉၼႆႉၸိုင် မိူဝ်းၼႃႈမၼ်း ၼိုင်ၶႅၼ်းတေၼႃႈလိူဝ်သေၼႆႉထႅင်ႈ။

• တူင်ႉတိုၼ်ႇတႃႇတႆး

                        ၵၢၼ်တႆး ႁဵတ်းၵၢၼ်တႆးၼႆႉ ဢမ်ႇၸႂ်ႈဝႃႈ ဢမ်ႇလႆႈမၢႆထိုင်ဝႃႈ ၶဝ်ႈႁဵတ်းၵၢၼ်ပႃႇတီႇ ၶဝ်ႈႁဵတ်းသိုၵ်းသေယိပ်းၵွင်ႈမဵဝ်းလဵဝ်ၵူၺ်း။ ၵၢၼ်တႆးဢၼ်ဝႃႈၼႆႉ ယူႇၼႂ်းႁိူၼ်း ႁႂ်ႈၵမ်ႉႁိူၼ်း ယူႇၼႂ်းဝၢၼ်ႈႁႂ်ႈၵမ်ႉဝၢၼ်ႈ ယူႇၼႂ်းဢိူင်ႇႁႂ်ႈၵမ်ႉဢိူင်ႇ တွၼ်ႈတႃႇ တီႈယူႇတၼ်းသဝ်းႁဝ်း ပေႃးတေမီးလွင်ႈၶိုၼ်ႈယႂ်ႇ မၢၵ်ႇမီးလီပဵၼ်ၼၼ်ႉ ဢွၼ်ၵၼ်ပူၵ်းပွင်ႁဵတ်းသၢင်ႈၵေႃႈ ပဵၼ်ၵၢၼ်တႆးႁဝ်းယဝ်ႉ ထႅင်ႈလွင်ႈၼိုင် ဢွၼ်ၵၼ်ၵေႃႇသၢင်ႈ ၵျွင်း ဝတ်ႉဝႃးၽႃႇသိူဝ်ႇ ၵွင်းမူး ၸိူဝ်းၼႆႉၵေႃႈ မၼ်းပဵၼ်ၵၢၼ်တႆး ၾၢင်ႈႁၢင်ႈၾိင်ႈမိုဝ်းလၢႆးမိုဝ်းတႆး ပဵၼ် လွၵ်းလၢႆးၵၢၼ်တေႃႇသူႈၽၢႆႇပၢႆးသႃႇသၼႃႇၼၼ်ႉယဝ်ႉ။

                        လုၵ်ႉတီႈ ၵျွင်း ဝတ်းဝႃးၽႃႇသိူဝ်ႇ ၵွင်းမူးသေ သၢင်ႈႁႂ်ႈမၼ်းပဵၼ် ႁွႆးမိုဝ်းတႆး တႅမ်ႈလိၵ်ႈတႆး သႂ်ႇၾိင်ႈထုင်းတႆးလႄႈ ပၼ်တိုဝ်ႉတၢင်းၵူၼ်းဝၢၼ်ႈၵူၼ်းသူၼ် ၶဝ် သွၼ်လိၵ်ႈတႆး ႁဵတ်းၵၢၼ်ပူၵ်းပွင် ၽႃႇသႃႇလိၵ်ႈလၢႆးတႆးၸိူဝ်းၼႆႉၵေႃႈ မၼ်းပဵၼ်ၵၢၼ်တူင်ႉတိုၼ်ႇတႃႇ တႆးၼိုင်ႈမဵဝ်းယဝ်ႉ။ ၵၢၼ်ၽႂ် ၵၢၼ်မၼ်း ၶၢဝ်းယၢမ်းၼႆႉ ၽႂ်မေႃသင်ၵေႃႈ တေလႆႈႁဵတ်းၼၼ်ႉၵူၺ်း ဢမ်ႇၸႂ်ႈၶၢဝ်းယၢမ်း ႁဝ်းတေလႆႈမႃးသႄႉၵၼ်ၼႄးၵၼ်ယူႇ။ ၽွင်းယၢမ်းပိူၼ်ႈလုၵ်ႉၵႂႃႇႁႃ ႁဵတ်းၵၢၼ်ၼၼ်ႉ ႁဝ်းယႃႇပေၵုမ်ႇတိုၵ်ႉၼွၼ်းၾၼ်ႁၼ်လီ ၶိုၼ်ႈမိူင်းၽီယူႇတိၵ်းတိၵ်းၵူၺ်း ထိုင်ၶၢဝ်းႁဝ်းတေ လႆႈတူင်ႉတိုၼ်ႇသၢၼ်မိုဝ်းၵွင်ႉၶေႃးၵၼ်ယဝ်ႉ။ ၸိူဝ်းမီးငိုၼ်းၸွႆႈငိုၼ်း ၸိူဝ်းမီးပၺ်ႇၺႃႇ ၸွႆႈၵၢၼ်ပၢႆးပၺ်ႇၺႃႇ ၸိူဝ်းမီး Theory ၵၢၼ်မိူင်း ၶဝ်ႈလဵၼ်ႈၵၢၼ်မိူင်း ပူၵ်းတိုၼ်ႇၵူၼ်းၼႂ်းပႃႇတီႇ ႁႂ်ႈမီးႁႅင်းၸႂ်ၶိုၼ်ႈမႃး

လၢတ်ႈၵႂၢမ်းၼမ်ၼမ်လႄႈ လုၵ်ႉႁဵတ်းႁတ်းႁဵတ်းလွင်ႈမၢၼ်ႇမႅၼ်ႈ တွၼ်ႈတႃႇတႆး. ၸိူဝ်းမီးပၢႆးဝူၼ်ႉပႃးၸႂ် ၽၢႆႇပၢႆးတိုၵ်းၵေႃႈ ၶဝ်ႈႁူမ်ႈၽၢႆႇၵၢၼ်သိုၵ်း ၸီးၼႄသဵၼ်ႈတၢင်းလူင် ႁႂ်ႈထိုင်ယိူင်းမၢႆ တွၼ်ႈတႃႇတႆးႁဝ်း ႁူႉႁၼ်တီႈလႅင်းလႄႈ ႁႂ်ႈၵူၼ်းၼုမ်ႇတႆး မီးႁႅင်း ၵူၼ်းထဝ်ႈၵူၼ်းယႂ်ႇ ႁႂ်ႈပေႃးလႆႈပိုင်ႇဢိင်. ၸိူဝ်းမီးပၢႆးဝူၼ်ႉ ၽၢႆႇၵႃႉၶၢႆၵေႃႈ ၵႃႉၶၢႆ ယႃႇပေဝႆႉမႃႇၼတေႃႇၵၼ်လႄႈ ၶႂ်ႈၵိၼ်ၸိၵ်းတွၵ်ႇၸွၵ်းၼိူဝ်ၵၼ်။ ဝၼ်းမိူဝ်ႈၼႆႉ ႁဝ်းတေလႆႈတူင်ႉတိုၼ်ႇ ႁဵတ်းသၢင်ႈ ၼမ်လိူဝ်သေ မိူဝ်ႈပူၼ်ႉမႃး ၵၢၼ်တႆးယႃႇပေဝႆႉဝႃႈ ပဵၼ်ပုၼ်ႈၽွၼ်းၵဝ်ႇၵဝ်ႇမႂ်းမႂ်း ၵၢၼ်မိူင်းယႃႇပေဝႆႉဝႃႈ ပဵၼ်ပုၼ်ႈၽွၼ်းပႃႇတီႇတႆး ၵၢၼ်ၵႅတ်ႇၶႄႇ ယႃႇပေဝႆႉၸႂ်ဝႃႈ ပဵၼ်ပုၼ်ႈၽွၼ်း ၽၢႆႇသိုၵ်း ၵၢၼ်ပူၵ်းပွင် ၵၢၼ်ငမ်းယဵၼ် ယႃႇပေဝႆႉၸႂ်ဝႃႈ ပဵၼ်ၵူၼ်းလဵၼ်ႈၵၢၼ်မိူင်းၶဝ်ၼႆၵူၺ်း ႁဝ်းႁႃးၵူႈၵေႃႈ မီးပုၼ်ႈၽွၼ်း ၼိူဝ်ႁူဝ်မႃႇၵၼ်ၵူႈၵေႃႉ ၵၢၼ်တႆး တိုၼ်းပဵၼ်တႆးတေလႆႈႁဵတ်းယဝ်ႉ။

• မိူင်းတႆးပဵၼ်သင်ယူႇ

                         မိူင်းတႆးဝၼ်းမိူဝ်ႈၼႆႉ ပဵၼ်သင်ယူႇၼႆ ဢမ်ႇလၢတ်ႈၵေႃႈတႆးႁူႉၵၼ်ၵူႈၵေႃႉ ၽႂ်လႅၼ်ၽႂ်ဢမ်ႇ လၢတ်ႈၵေႃႈတႆးႁူႉယူႇ ၽႂ်လႅတ်းၼိူဝ်ၽႂ်ၼႆၵေႃႈ ဢမ်ႇလၢတ်ႈၵေႃႈတႆးႁူႉယူႇ ၽႂ်ႁဵတ်းသင်တေႃႇတႆး ၽႂ်ယႃႉဝၢၼ်ႈယႃႉမိူင်းတႆး ဢမ်ႇလၢတ်ႈၵၼ်ၵေႃႈတႆးႁူႉယူႇ  တႆး တႆး တႆး တီႈတႆးႁူႉယူႇၵူႈလွင်ႈၼၼ်ႉ ယႃႇပေႁူႉဝႆႉ မဵဝ်းလဵဝ်ၵူၺ်း ႁဝ်းတေလႆႈဝူၼ်ႉၸွမ်းလႄႈ လုၵ်ႉႁဵတ်းသၢင်ႈပၼ် ပုၼ်ႈတႃႇဝၢၼ်ႈမိူင်းတႆးႁဝ်းယဝ်ႉ ဝၼ်းမိူဝ်ႈ သင်တႆးၽွမ်ႉၵၼ် ပဵၼ်ၼမ်ႉၼိုင်ႈၸႂ်လဵဝ်ၵၼ် ၵူၼ်းမိူင်းၵေႃႈ ၵမ်တႃမိုဝ်းၼႄလႆႈပိူၼ်ႈၼႆ ၽႂ်ၽႂ်ၵေႃႈ ဢမ်ႇႁတ်းႁဵတ်းသၢင်ႈ ပၼ်ႁႃသင်လူင်ၼႂ်းမိူင်းတႆးႁဝ်း ဝၼ်းမိူဝ်ႈၼႆႉ တႃႇမိုဝ်းဢၼ်ၵမ်တေႃႇၵၼ်ၼၼ်ႉ မိူင်းတႆး ပဵၼ်သင်ယူႇ ယုမ်ႇယမ်ဝႃႈႁူႉၵၼ်ၵူႈၵေႃႉ။

                     ၵၢၼ်တႆး ဢဝ်ၵွင်ႈတေႃႇၵွင်ႈ ဢဝ်လႅဝ်းတေႃႇလႅဝ်း ဢဝ်မိုဝ်းတေႃႇ မိုဝ်းထုပ်ႉၵၼ်မႃးၼၼ်ႉ ၽႂ်ဢမ်ႇမီးၽွၼ်းလီသင် လိုၼ်းသုတ်းမႃးၸဵပ်းၵၼ်ၵႂႃႇတၢင်းသွင်ၵေႃႉၵူၺ်း တႃႇမိုဝ်းလႄႈ ႁႅင်းတူဝ်ႁႅင်းမိုဝ်း ဢၼ်ဝႃႈၼၼ်ႉ တေလႆႈၸႂ်ႉတီႈမၼ်း ႁႂ်ႈမၼ်းထုၵ်ႇမႅၼ်ႈ ၸွမ်းငဝ်းလၢႆးလႄႈ ပုၼ်ႈၵူၼ်းတၢင်းၼမ်ၵၼ်ယူႇ။ မိုဝ်းဢၼ်ဝႃႈၼႆႉ ပေႃးႁဝ်းမေႃၸႂ်ႉတိုဝ်းတေႃႇၵၼ်ၵေႃႈ ဢၼ်ပဵၼ်ၽွၼ်းလီၵေႃႈ တေလႆႈႁၼ်မီးတၢင်းၼမ်ယူႇ တႃႇမိုဝ်းႁဝ်းဢၼ်ၵမ်တေႃႇၵၼ်ၼၼ်ႉ လူဝ်ႇမေႃဢဝ်ၵႂႃႇၸႂ်ႉတိုဝ်းတီႈ ၽူႈၸိူဝ်းမႃး ယႃႉၵဝ်း ဝၢၼ်ႈမိူင်းႁဝ်း ႁႂ်ႈပဵၼ်ၽိူၼ်း ပဵၼ်ၾႆးၼၼ်ႉၵူၺ်း။

                        မိုဝ်းတီႈႁဝ်းၵမ်တေႃႇၵၼ်လႄႈ မၢင်ၵၼ်ၼၼ်ႉ ပေႃးႁဝ်းမေႃၸႂ်ႉတိုဝ်းပဵၼ် မိုဝ်းယိုၼ်းၸူး ၵၼ်ၼႆ မၼ်းတေမီးၽွၼ်းလီတွၼ်ႈတႃႇၵူၼ်းတၢင်းၼမ်တေႉတေႉ။ ဝၼ်းမိူဝ်ႈၼႆႉ မိူင်းတႆးပဵၼ်သင်ယူႇ ႁူႉႁၼ်ၵၼ်ၵူႈၵေႃႉ မိူင်းတႆးပွတ်းႁွင်ႈပဵၼ်ၽိူၼ်းပဵၼ်ၾႆး တႆးဢမ်ႇလႆႈႁဵတ်းသင် ယူႇႁင်းၵူၺ်းၵေႃႈ လႆႈထုၵ်ႇၺႃးၶီႈသူမ်ႈပိူၼ်ႈ ၶူဝ်း ႁိူၼ်း ၵူၼ်း ဝၢၼ်ႈမိူင်းလူႉ သုၵ်ႉသၵ်ႉမႃးႁၢဝ်ႉႁၢဝ်ႉႁႅင်းႁႅင်း ဢၼ်တၢႆၵႂႃႇၵေႃႈ တၢႆၵႂႃႇပႅတ်ႈလၢႆလၢႆ ဢမ်ႇႁူႉတီႈပွင်ႇ ဢမ်ႇႁူႉလွင်ႈတၢင်းသင် တႆးဢမ်ႇလႆႈႁဵတ်းၽိတ်းသင်လႄႈ ၵူႈဝၼ်းဝၼ်း ယူႇႁိူၼ်းၸဝ်ႈၵဝ်ႇဝႆႉယူႇၵေႃႈ ၼႂ်းၸႂ်ၼႆႉ ဢမ်ႇမီးလွင်ႈတၢင်းသိူဝ်းလႄႈ လွင်ႈလွတ်ႈၽႄး   ၼွၼ်းယူႇၼိူဝ်ႁိူၼ်းလၢႆသိပ်းၸၼ်ႉ ၼွၼ်းယူႇၼိူဝ်ၵူႈ ၼိူဝ်ၽႃၶႅမ်ႉၶႅမ်ႉၵေႃႈ ဢမ်ႇႁူႉဝႃႈ ပိူၼ်ႈတေဢဝ်ဢီႇသင်မႃးပွႆႇသႂ်ႇႁိူၼ်းႁဝ်း တီႈယူႇႁဝ်းမိူဝ်ႈလႂ်ၼႆသေ ဝူၼ်ႉယဝ်ႉ ဢဝ်မီးၸႂ် ၵူဝ်ၵႂႃႇၵေႃႈ ႁၼ်မီးတၢင်းၼမ် လွင်ႈၸိူဝ်းၼႆႉ ယွၼ်ႉၵွပ်ႈသင်? ႁဝ်းသမ်ႉလူဝ်ႇႁဵတ်းသင်?

• လွင်ႈၵတ်းယဵၼ်ၼႆႉမီးတီႈလႂ်

                        လွင်ႈၵတ်းယဵၼ်တွၼ်ႈတႃႇ မိူင်းတႆးၼႆႉ မၼ်းမီးၼႂ်းၵႂၢမ်းလႄႈ ၽႅင်းၵႂၢမ်းၵူၺ်း ပေႃးတၢင်းၼွၵ်ႈ လွင်ႈပိူင်ပဵၼ်တေႉမၼ်းတေႉ ၵူၼ်းမိူင်းတႆးပဵၼ်ၼမ်ႉႁူၼမ်ႉတႃၵၼ်လၢႆလၢႆယဝ်ႉ။ လွင်ႈၵတ်းယဵၼ် ၼႆႉႁၢႆၵႂႃႇလႂ် မီးတီႈလႂ် ပေႃးတေဢွၼ်ၵၼ်ထၢမ်ႇမႃးၸိုင် မီးၼႂ်းမိုဝ်းၵူၼ်းတႆးႁဝ်းၵူႈၵေႃႉၵူၺ်း ယွၼ်ႉၼၼ် ၵၢၼ်တႆးၼႆႉ ပဵၼ်ပုၼ်ႈၽွၼ်းတႆးႁဝ်းၵူႈၵေႃႉလႄႈ မီးၼႂ်းမိုဝ်းႁဝ်းၵူႈၵေႃႉ ဢမ်ႇၸႂ်ႈဝႃႈ မီးၼႂ်းမိုဝ်းၽႂ်မီးၼႂ်းမိုဝ်းပိူၼ်ႈသင် မီးၼႂ်းမိုဝ်းႁဝ်းၵူႈၵေႃႉၵူၺ်း။

                        လွင်ႈၵတ်းယဵၼ်ၼႆႉ ၽႂ်ၽႂ်ၵေႃႈၶႂ်ႈလႆႈ ၽႂ်ၽႂ်ၵေႃႈ မုင်ႈမွင်း ၽႂ်ၽႂ်ၵေႃႈၶႂ်ႈယူႇ ယွၼ်ႉၼၼ်လႄႈ ၸိုဝ်ႈဢၼ်ဢွၼ်ၵၼ်ႁွင်ႉဝႃႈ တႆး ၼႆယူႇၼႆႉ တီႈပွင်ႇမၼ်းဝႃႈ ၵျိုၵ်ႈလွင်ႈၵတ်းယဵၼ် ၼႆဝႆႉယူႇ။ ပေႃးမႃးတူၺ်း လွင်ႈၵတ်းယဵၼ်လႄႈ လွင်ႈယူႇသၢင်ႈၵိၼ်သဝ်း မီးလွင်ႈလွတ်ႈၽႄးလီယဝ်ႉၼႄႇၼႆ ဢမ်ႇပႆႇလႆႈႁၼ်မီး ယွၼ်ႉဢိင်ႇၼိူဝ်ငဝ်းလၢႆးၵူႈလွင်ႈလွင်ႈ မိူဝ်ႈဝၼ်းလင် ႁဝ်းဢမ်ႇဢွၼ်ၵၼ်ႁဵတ်းသၢင်ႈဝႆႉလႄႈ ဝၼ်းမိူဝ်ႈၼႆႉ ႁဝ်းၸၢင်ႇလႆႈမႃးၺႃး ၽွၼ်းႁၢႆႉလွင်ႈတုမ်ႉယွၼ်ႈမၼ်း ဝၼ်းမိူဝ်ႈၼႆႉယဝ်ႉ။ 

• ယိူင်းဢၢၼ်းၼႂ်းၸႂ်ၵူႈၵေႃႉ

                        ယိူင်းဢၢၼ်းၼႂ်းၸႂ် ၵူၼ်းႁဝ်းၵူႈၵေႃႉဝၼ်းမိူဝ်ႈၼႆႉ ၶႂ်ႈႁႂ်ႈမိူင်းတႆးမီးလွင်ႈၵတ်းယဵၼ်လႄႈ ႁၵ်ႉႁွမ် ၽွမ်ႉသဵင်ပဵင်းပၢၵ်ႇၵၼ်ၵူၺ်း။ တွၼ်ႈတႃႇတေပဵၼ်မႃးၸိူဝ်းၼၼ်ႉ ၵူႈၽၢႆႇၽၢႆႇ တေလႆႈၶဝ်ႈႁႃၵၼ် ၵႆႉၵႆႉမီးၶဝ်ႈႁႃဢွၵ်ႇၵၼ် သၢင်ႈလွင်ႈယုမ်ႇယမ်ၵၼ်ၶိုၼ်း ၵဝ်ႇႁဵတ်းမႂ်းႁဵတ်း ၽိတ်းၽိတ်းထုၵ်ႇထုၵ်ႇၼၼ်ႉ မီးတိုၼ်းမီးၵၼ်ၵူႈၵေႃႉ လိူဝ်ဝႃႈလူဝ်ႇမေႃဢဝ်ႁဵတ်းတွၼ်ႈသွၼ်ႁဝ်းမိူဝ်းတၢင်းၼႃႈၵူၺ်း။

                        တွၼ်ႈတႃႇ တေပဵၼ်မႃး လွင်ႈႁၵ်ႉႁွမ်ၵၼ် ယိပ်းမိုဝ်းၵၼ်လႆႈ မၼ်ႈမၼ်ႈၵႅၼ်ႇၵႅၼ်ႇၼၼ်ႉ ပုၼ်ႈၽွၼ်းမီးၼိူဝ် ၵူၼ်းၼုမ်ႇတႆးႁဝ်းလႄႈ မုၵ်ႉၸုမ်း တူင်ႇဝူင်းၵူၼ်းတႆး ဢိၵ်ႇပႃးသင်ႇၶၸဝ်ႈၶဝ်ၵူႈပႃးပႃးယဝ်ႉ. မဵဝ်းၵူၼ်းယိပ်းၵွင်ႈလႄႈ မဵဝ်းၵူၼ်းလဵၼ်ႈၵၢၼ်မိူင်း ဢၼ်ဝႃႈၼႆႉ ၵမ်ႉၼမ်ပဵၼ်ၵူၼ်း ဢႃႇယုယႂ်ႇဢွၼ်ႁူဝ်ၼမ် မၢင်ပွၵ်ႈ သဵင်ႁူဝ်ၸႂ် ၵႂၢမ်းၼႂ်းၸႂ်ႁဝ်း ဢၼ်ႁဝ်းႁွင်ႉပဝ်ႇလၢတ်ႈၼၼ်ႉ ၶဝ်တေဢမ်ႇငိၼ်းၵေႃႈၸၢင်ႇပဵၼ်လႆႈ သႃႇၽႃႇဝ ၵူၼ်းထဝ်ႈဢၼ်ဝႃႈၼႆႉ ပေႃးဢႃႇယုယႂ်ႇမႃး ဝူၼ်ႉသင်ၵေႃႈ ဢမ်ႇပေႃးပွင်ႇႁၼ်လီ ၊ ၸႂ်ၼိမ် ၊ တႃႇမူဝ်း ၊ ႁူဝ်ၵေႃႈတေဢမ်ႇပေႃးငိၼ်းလီ။ တႃႇၵၢၼ်တႆး တႆးမီးပုၼ်ႈၽွၼ်းတေလႆႈႁဵတ်းသၢင်ႈၵၼ်ၵူႈၵေႃႉ မီးငိုၼ်းၸွႆႈငိုၼ်း မီးႁႅင်းၸွႆႈႁႅင်း မီးၶၢဝ်ႇၸွႆႈၶၢဝ်ႇ မီးၽၵ်းၸွႆႈၽၵ်း မီးၶူဝ်းၸွႆႈၶူဝ်း မီးၵူၼ်းၸွႆႈၵူၼ်း ႁဝ်းမီးသင် ႁဝ်းပဵၼ်သင် ႁဝ်းလူဝ်ႇသင် ႁဝ်းမီးၼမ်ႉၵတ်ႉသင် သိုပ်ႇဢွၼ်ၵၼ်ၸွႆႈထႅမ်ႈၵၼ် တီးၵဝ်ဢမ်ႇမီး တီႈမႂ်းမီး မႂ်းသမ်ႉလူဝ်ႇၽိူမ်ႉပၼ်ၵဝ်ႇ တီႈၵဝ်ႇမီး တီႈမႂ်း ဢမ်ႇမီးၼၼ်ႉသမ်ႉ ၵဝ်တေလႆႈၸွႆႈထႅမ်ႈၽိူမ်ႉပၼ်မႂ်း လူဝ်ႇမေႃဢွၼ်ၵၼ်ႁဵတ်းပၼ်ပဵၼ်ၸုမ်း ပဵၼ် Team ယႃႇပေ ဝႆႉၸႂ်ဝႃႈ ဢမ်ႇမီးၵဝ်ဢမ်ႇပဵၼ် လူဝ်ႇမေႃဢွၼ်ၵၼ်ဝႆႉၸႂ်ဝႃႈ ၵၢၼ်တႆးၼႆႉ ပေႃးဢမ်ႇမီးတႆး ပေႃးဢမ်ႇမီးႁဝ်းႁႃးတၢင်းမူတ်း တိုၼ်းဢမ်ႇထိုင်တီႈလႆႈ ၼႆၼၼ်ႉၵူၺ်း။

• သႅင်သိုၵ်း
• www.saisengserk.com

Share:

Read More

ၸဝ်ႈၸၢႆးလိုၼ်း လႄႈ တပ်ႉသိုၵ်း NDAA

                    “ၸဝ်ႈၸၢႆးလိုၼ်း” လႆႈၸိုဝ်ႈသဵင်ယ်ႂႇၶိုၼ်ႈမႃး ၸိူဝ်းၸွမ်းလႅၼ်လိၼ်တႆး၊ ထႆး၊ ႄၶႇ ႄလႈ လၢဝ်းၼၼ်ႉ လႆႈဝႃႈ ဢမ်ႇမိူၼ်ပိူၼ်ႈ ၶ်ႂႈလၢၵ်ႇလၢႆးဝႆႉ။ “ၸဝ်ႈၸၢႆးလိုၼ်း” ဢမ်ႇၼၼ် “လီမီးၸႅျၵ်ႇ” ၼႆႉ  ၵိူတ်ႇမိူဝ်ႈပီ မွၵ်ႈ 1950 တီႈမိူင်းတႆးပွတ်းႁွင်ႇ ဝဵင်းပၢင်သၢႆး (တၢင်းၵူတ်ႉၶၢႆ) ေသ ၸဝ်ႈၸၢႆးလိုၼ်းၼႆႉ  ေတၸၢပ်ႈလိူတ်ႈ  တႆးႄလႈႄၶႇပႃး  ေပႃႈပဵၼ် ၸၢဝ်းၶိူဝ်းႄၶႇ၊ ႄမႈပဵၼ်တႆး။ ဝဵင်းပၢင်သၢႆးၼႆႉ   ပဵၼ်သဵၼ်ႈတၢင်းၶဝ်ႈႁႃ ၼ်ႂးမိူင်းႄၶႇ  သဵၼ်ႈၼိုင်ႈၼႆေၵႃႈဝႃႈလႆႈယူႇ  သင်လုၵ်ႉတီႈ ဝဵင်းပၢင်သၢႆး   ၸူႇၵူၵ်ႉ   ၶဝ်ႈၵႂႃႇတီႈၼ်ႂးမိူင်းႄၶႇ  ယူႇၼၢၼ်ႇ   ၼၼ်ႉေၵႃႈ ၸမ်ၸမ်ၵၼ်ၵူၺ်း။ ၼ်ႂးမိူင်းႄၶႇ ယူႇၼၢၼ်ႇ  ဝဵင်းဝၢၼ်ႈတိၼ်ႇႄလႈ   ဝဵင်းပၢင်သၢႆးၼႆႉ  ေတမီးႁွင်ႈၼမ်ႉ  ၼမ်ႉယၢၼ်ႇ ၶႅၼ်ႈၵၼ်ဝႆႉေသ  မိူဝ်ႈၵူႈပွၵ်ႈ ပဵၼ်သဵၼ်ႈတင်း ၸုမ်းသိုၵ်း ၵူၵ်းမိၼ်ႊတင်ႊ (KMT = Kuo Min Tang) ၶဝ်ၸ်ႂႉတိုဝ်း ေတႃႉၶူဝ်းၶွင် ၶိူင်ႈၵွင်ႈၵၢင်ႇၵူႈလွင်ႈလွင်ႈ  ၼိူဝ်သဵၼ်ႈတင်းလူင်ၼႆႉမႃးယူႇ။ မိူဝ်ႈပီႊ ၸဝ်ႈၸၢႆးလိုၼ်း  ၵိူတ်ႇၼၼ်ႉေတႉ ၶူဝ် ၸိူၵ်ႈလူင် ၼမ်ႉယၢၼ်ႇ  ၼၼ်ႉပိူၼ်ႈေတပိၵ်ႉဝႆႉ  ဢမ်ႇပၼ်လူတ်ႉၵႃးေလႃႉ လတ်းၵႂႃႇမႃး။ ထိုင်မႃး ဝၢႆးသိုၵ်းလုမ်ႈၾႃႉ ပွၵ်ႈသွင်ယဝ်ႉၼၼ်ႉ  ပိူၼ်ႈၶိုၼ်းၸင်ႇပိုတ်ႇပၼ်ေသ   ပဵၼ်သဵၼ်ႈတၢင်း  ဢၼ်ၸုမ်းသိုၵ်း ၵူၵ်းမိၼ်ႊတင်ႊ (KMT) ၶဝ်ၸ်ႂႉတိုဝ်ႉမႃး။ 

               မိူဝ်ႈပၢၼ် ၸဝ်ႈၸၢႆးလိုၼ်းပဵၼ်လုၵ်ႈဢွၼ်ႇၼၼ်ႉ   ေတယၢမ်ႈလႆႈႁၼ် ၸုမ်းသုိၵ်းၶွမ်ႇမိဝ်ႇၼိတ်ႉ မၢဝ်ႊသိုဝ်ႇတူင်း  ၶဝ်လိုပ်ႈလမ်းယိုဝ်းၸုမ်းသိုၵ်း  ၵူၵ်းမိၼ်ႊတင်ႊ (KMT) ၶဝ်ၶဝ်ႈမႃးၼ်ႂးဝဵင်းပၢင်သၢႆး  ႁူဝ်ပၢၵ်ႇႁူဝ်ႁဵင် မၼ်းေသ  ၼ်ႂးဝဵင်းပၢင်သၢႆးၼၼ်ႉ   ေပႃးပဵၼ်ၸုမ်းသိုၵ်း ၵူၵ်းမိၼ်ႊတင်ႊ (KMT) ၶဝ်ေပႃးတဵမ်ၵႂႃႇမူတ်း။ ၸဝ်ႈၸၢႆးလိုၼ်း ဢမ်ႇၼၼ် လီမီးၸႅျၵ်ႇၼႆႉ  ေတေၵႃႉယ်ႂႇၶိုၼ်ႈမႃးၸွမ်း ၼ်ႂးၸုမ်းသုိၵ်း ၵူၵ်းမိၼ်ႊတင်ႊ (KMT) ၶဝ်ၼၼ်ႉေသ   ယၢမ်ႈပဵၼ်လုၵ်ႈၸုမ်းသိုၵ်း ၵူၵ်းမိၼ်ႊတင်ႊ (KMT) မႃးမိူၼ်ၵၼ်  ၵႆႉၵႆႉလႆႈပဵၼ် ၵူၼ်းၵႂႃႇသူင်ႇ ၶဝ်ႈၼမ်ႉတၢင်းၵိၼ်  လုၵ်ႉတီႈပၢင်သၢႆးၵႂႃႇ  တီႈယူႊၼၢၼ်ႇၵူႈၶၢဝ်း။  

 မိူဝ်ႈၽွင်းၼၼ်ႉ  ပဵၼ်ၽွင်းမိူဝ်ႈပၢင်တိုၵ်း ၾိင်ႈႄငႈၾိင်ႈထုင်း ၶွင်ၼ်ႂးမိူင်းႄၶႇလႅင်  မၢဝ်ႊသိုဝ်ႇတူင်း  တိုၵ်ႉသင်ႇလုၵ်ႈၸုမ်းသိုၵ်းမၼ်း ႁ်ႂႈယႃႉပႅတ်ႈၵွျင်းြၽႃး  ယႃႉပႅတ်ႈၶူဝ်းၶွင်ၵဝ်ႇ ၸိူဝ်းၼၼ်ႉယူႇ။ ဝၢႆးလိုၼ်းမႃး ၸဝ်ႈၸၢႆးလိုၼ်းေၵႃႈ   လႆႈၶိုၼ်းၶဝ်ႈႁဵတ်းသိုၵ်း  ၸွမ်းၸုမ်းမၢဝ်ႊသိုဝ်ႇတူင်း ၸုမ်းသိုၵ်းႄၶႇလႅင် ၵႂႃႇပႅတ်ႈ တင်းၸွမ်းဢူၺ်းေၵႃႉမၼ်း သၢမ်ေၵႃႉၼၼ်ႉယဝ်ႉ။ မိူဝ်ႈၽွင်း ၸၢဝ်ႈၸၢႆးလိုၼ်း ၶိုၼ်းလႅၵ်ႈလၢႆႈၶဝ်ႈႁဵတ်းသုိၵ်း ဢဝ်ပုၼ်ႈၽွၼ်းၼ်ႂး  ၸုမ်းသိုၵ်း ပၵပ ၶွမ်ႇမိဝ်ႇၼိတ်ႉၶွင်မၢၼ်ႈ (CPB) ၼၼ်ႉ  လႆႈႁၼ်မႅၼ်ႈၺႃး သၢဝ်ႄၶႇေၵႃႉၼိုင်ႈ လုၵ်ႉတီႈဝဵင်းလူင်မိူင်းမၢၼ်ႈ  ဝဵင်း တႃႈၵုင်ႈ  ေသၶဝ်ႈမႃးၼ်ႂးမိူင်းႄၶႇၼၼ်ႉ  လႆႈမႃးထူပ်းႁၼ်ၸဝ်ႈၸၢႆးလိုၼ်းေသ  ဢဝ်မီးၸ်ႂႁၵ်ႉပႅင်းၵၼ်ၵႂႃႇပႅတ်ႈ။ ၸိုဝ်ႈႄမးမၼ်းၸဝ်ႈ ၸၢႆးလိုၼ်းၼၼ်ႉပဵၼ်  “တၼ်းတၼ်းဝိၼ်း” လၢတ်ႈလႆႈ ၵႂၢမ်းတႆး၊ ႄၶႇ ႄလႈ မၢၼ်ႈ လူင်ႉလႅၼ်ႇလႅတ်းလီ။  ၵွပ်ႈပိူဝ်ႈဝႃႈ   မိူဝ်ႈပီ 1967  တီႈဝဵင်းလူင်တႃႈၵုင်ႈၼၼ်ႉ   မီးပၼ်ႁႃ  ၸၢဝ်းၶိူဝ်းႄၶႇ ႄလႈ တင်းမၢၼ်ႈ ႁၢဝ်ႉႁၢဝ်ႉႁႅင်းႁႅင်းႄလႈ တၼ်းတၼ်းဝိၼ်းေၵႃႈ  လႆႈပၢႆႈၶဝ်ႈမႃးၼ်ႂးမိူင်းႄၶႇ ၸူဝ်ႈၶၢဝ်းေသ   လႆႈမႃးထူပ်းႁၼ်မႅၼ်ႈၺႃး ၸဝ်ႈၸၢႆးလိုၼ်း။ ႄမးၸဝ်ႈၸၢႆးလိုၼ်း တၼ်းတၼ်းဝိၼ်းၼႆႉ လႆႈမႃးယူႇသဝ်းတီႈ  ၵူႇမိင်း မိူင်းႄၶႇ ေသၶဝ်ႈႁဵတ်းၵၢၼ်တီႈ  ယူင်ႇၸၢၵ်ႈ၊  ဝူၼ်ႉတႃႇေတၶိုၼ်း ေတႃႇ  သူႈ လူင်ပွင်ၸိုင်ႈသိုၵ်းမၢၼ်ႈ ၶိုၼ်း ၵူႈၶၢဝ်း။ တၼ်တၼ်းဝိၼ်းႄလႈ ၸဝ်ႈၸၢႆးလိုၼ်းၼၼ်ႉ ေပႃးမီးၶၢဝ်းယၢမ်းတၼ်း ၶဝ်သွင်ေၵႃႉ ေတဢွၼ်ၵၼ်ႁႃ လူလိၵ်ႈ၊ ဢၢၼ်ႇလိၵ်ႈ ၵူႈၶၢဝ်းေသ  ၵႆႉၵႆႉထွမ်ႇ၊ လူဢၢၼ်ႇ   ၵႂၢမ်းလၢတ်ႈၵႂၢမ်းသင်ႇသွၼ် ႁူဝ်ၼႃႈ လူင်ၸုမ်းသိုၵ်း ႄၶႇလႅင်  မၢဝ်ႊသိုဝ်ႇတူင်း ၵူႈၶၢဝ်းယၢမ်းႄလႈ  ၼ်ႂးပၢႆးဝူၼ်ႉၶဝ်သွင်ေၵႃႉေၵႃႈ   ၶ်ႂႈႁ်ႂႈမိူင်းႁူမ်ႈတုမ်မိူင်းမၢၼ်ႈၼႆႉ လႅၵ်ႈလၢႆႈ ပဵၼ်မိူင်းၶွမ်ႇမိဝ်ႇၼိတ်ႉ ၵူႈၶၢဝ်းယၢမ်း။ 

                        ထိုင်မႃး ပီႊ 1973 ၸဝ်ႈၸၢႆးလိုၼ်းလႄႈ တၼ်းတၼ်းဝိၼ်းၶဝ် လႆႈၸႂ်ၵၼ်သေ လႆႈတႄႇၼႃႈႁိူၼ်း ၸွမ်းၵၼ်ၵႂႃႇပႅတ်ႈ ၊. ဝၢႆးသေ မၢဝ်ႊသိုဝ်ႇတူင်း လူႉတၢႆၵႂႃႇပႅတ်ႈမိူဝ်ႈ ပီႊ 1976 ၼၼ်ႉယဝ်ႉ ၸုမ်းသိုၵ်းၶႄႇလႅင် ဢၼ်မီးၼ်ႂးမိူင်းႁူမ်ႈတုမ်မိူင်းမၢၼ်ႈ ၼၼ်ႉေၵႃႈ ၶိုၼ်းလႆႈထွႆဢွၵ်ႇမႃး ၼ်ႂးပိုၼ်ႉတီႈမိူင်းတႆးၼၼ်ႉ  မူတ်းမူတ်းယဝ်ႉေသ  ၵိုတ်းၶႃသွင်ေၵႃႉ  ၸဝ်ႈၸၢႆးလိုၼ်းႄလႈ တၼ်းတၼ်းဝိၼ်းၵူၺ်း  ဢမ်ႇလႆႈထွႆဢွၵ်ႇမိူဝ်းၸွမ်း ၸုမ်းသိုၵ်းႄၶႇလႅင်ၶိုၼ်း။  ၵွပ်ႈပိူဝ်ႈ ယူႇမႃးၼ်ႂးမိူင်းတႆး  ႁူႉၵႂၢမ်းၸၢဝ်းၶိူဝ်းၼမ်ေသ  ႁူႉၸၵ်းၵူၼ်းၼ်ႂးပိုၼ်ႉတီႈၼမ် ၵူၺ်းၵႃႈမၢင်ပွၵ်ႈမႃးေတႉ   ႁၼ်ၶဝ်သွင်ေၵႃႉ   လွမ်လွမ်ၵူဝ်  ၸုမ်း PSB (PSB = Public Security Bureau) တီႈယူႇၼၢၼ်ႇ မိူင်းႄၶႇၶဝ် ၶိုၼ်းႁွင်ႉၶဝ်သွင်ေၵႃႉ ပွၵ်ႈမိူဝ်းၶိုၼ်းဝႆႉယူႇ။   ၸုမ်း PSB ၼႆႉ   ပဵၼ်ၸုမ်းၽူႈၸွပ်ႇ မိူၼ်ၵၼ်တင်းၸုမ်း FBI, CIA, KGB ၶဝ်ၸိူဝ်းၼႆႉၵူၺ်း။    ၼ်ႂးပိုၼ်ႉတီႈ   မိူင်းယူႇၼၢၼ်ႇၼၼ်ႉေတႉ  ၸုမ်းၽူႈၸွပ်ႇ PSB ၼႆႉ  မီးဢမ်းၼၢတ်ႈဢႃႇၼႃႇ ၼမ်လိူဝ်ေသပိူၼ်ႈ။

            ၸဝ်ႈၸၢႆးလိုၼ်းလႄႈ တၢင်းဢူၺ်းၵေႃႉမၼ်းသၢမ်ၵေႃႉၼႆႉ. ပဵၼ်ၽူႈမီးၸၼ်ႉသုင်လူင် ၶွင်ၼႂ်းၸုမ်းသိုၵ်း ပၵပ ၶွမ်ႇမိဝ်ႇၼိတ်ႉမၢၼ်ႈ ၼ်ႂးၼႃႈတီႈၵုမ်းၵမ်ၶဝ် ၸွမ်းၸိူဝ်းလႅၼ်လိၼ် တႆး၊ ႄၶႇၸိူဝ်းၼႆႉ။ 

တၢင်းၵႂၢင်ႈမီးၵႂႃႇ သွင်မိုၼ်ႇၵီႊလူဝ်ႇမီႇတႃႇပႆၢ (More than 20000km) ေသ ၼ်ႂးဢူၺ်းေၵႃႉမၼ်း  သၢမ်ေၵႃႉၼၼ်ႉ  “လီသျၢၼ်း” သမ်ႉလႆႈ ယိပ်းၵုမ်းၵမ်ၼႃႈတီႈ မိူင်းတႆးပွတ်းႁွင်ႇ၊ “လီဝူၺ်ႇ” သမ်ႉ လႆႈယိပ်းၵုမ်းၵမ်ဝႆႉ ၼႃႈတီႈပၢင်သၢင်း၊ ၸဝ်ႈၸၢႆးလိုၼ်း သမ်ႉ  လႆႈယိပ်းၵုမ်းၵမ်ဝႆႉ  ၼႃႈတီႈမိူင်းတႆး ပွတ်းဢွၵ်ႇၶူင်း ၸွမ်းၸိူဝ်းလႅၼ်လိၼ် မိူင်းႄၶႇႄလႈမိူင်းလၢဝ်း။ ၸဝ်ႈၸၢႆးလိုၼ်းၼႆႉ ပဵၼ်ၽူႈသၢၼ်ၶတ်း လူင်ပွင်ၸိုင်ႈသိုၵ်းမၢၼ်ႈေသ   ယၢမ်ႈဢွၼ်ႁူဝ် ၸုမ်းသိုၵ်းၶွမ်ႇမိဝ်ႇၼိတ်ႉမၢၼ်ႈ ပၵပ ( CPB ) ေသ   ၶဝ်ႈပွႆးတိုၵ်းႁၢဝ်ႉႁၢဝ်ႉႁႅင်းႁႅင်း  ၵၼ်တင်းလူင်ပွင်ၸိုင်ႈ ၸုမ်းသုိၵ်းမၢၼ်ႈ  တီႈဝဵင်းလူင်ၵဵင်းတုင် ထႅင်ႈလူးၵွၼ်ႇ။ မိူဝ်ႈၽွင်း ၸဝ်ႈၸၢႆးလိုၼ်းလႆႈပဵၼ်  ၽူႈယိပ်းၵုမ်းၵမ်တီႈ  ၼႃႈတီႈမိူင်းတႆး ပွတ်းဢွၵ်ႇၶူင်းၼၼ်ႉ   ေၵႃႉပဵၼ်မႄးၼၢင်းမၼ်းသမ်ႉ လႆႈၸပ်းတၢင်းပဵၼ် ရေႃးၵႃႇၼၢဝ်ၼူၵ်ႉေသ မႅၼ်ႈၺႃးၽွင်းမိူဝ်ႈ ၸုမ်းသိုၵ်းႄၶႇလႅင်ၶဝ်  ဢမ်ႇလႆႈၸွႆႈသင် တီႈၸုမ်းသိုၵ်းၶွမ်ႇမိဝ်ႇၼိတ်ႉမၢၼ်ႈ ပၵပ (CPB) ၼၼ်ႉယဝ်ႉ။  ပႅၵ်ႉသမ်ႉဝႃႈ  ၸုမ်းသုိၵ်းႄၶႇလႅင် ပိုၼ်ၽၢဝ်ႇဝႃႈ ေတဢမ်ႇၸွႆႈသင်တီႈ ၸုမ်းသိုၵ်းၶွမ်ႇမိဝ်ႇၼိတ်ႉမၢၼ်ႈ ပၵပ (CPB) ၶဝ်ယဝ်ႉ  ၼႆေသတႃႉေၵႃႈ   လွင်ႈယႃ၊ လွင်ႈတၢင်းၵိၼ်တၢင်းယမ်ႉ ၸိူဝ်းၼႆႉေတႉ  လူင်ပွင်ၸုိင်ႈ ယူႇၼၢၼ်ႇ  ၶဝ်တိုၵ်ႉလႆႈသူင်ႇပၼ်တီႈ ၸုမ်းသိုၵ်းၶွမ်ႇမိဝ်ႇၼိတ်ႉမၢၼ်ႈ ပၵပ (CPB)ယူႇ။ ထိုင်မႃး 1980 ၼၼ်ႉ  ႄမးၸဝ်ႈၸၢႆးလိုၼ်း  တၼ်းတၼ်းဝိၼ်း  ၸပ်းတၢင်းပဵၼ် ၼၢဝ်ၼူၵ်ႉႁႅင်းၼႃႇႄလႈ  လႆႈလူႉၵႂႃႇပႅတ်ႈ တီႈႁူင်းယႃလူင်မိူင်းႄၶႇ လၢၼ်းၵၢၼ်း ၼၼ်ႉယူႇယဝ်ႉ။ 

ဝၢႆးသေ မႄးမၼ်းၸဝ်ႈ လူႉၵႂႃႇယဝ်ႉၼၼ်ႉ  ႁၼ်လုၵ်ႈၸုမ်းမၼ်းၵႆႉၵႆႉလၢတ်ႈဝႃႈ  ၸဝ်ႈၸၢႆးလိုၼ်းၼႆႉ ဢဝ်ငဝ်ၵႂႃႇပႅတ်ႈႁႅင်းႄတႉႄတႉ  ထိုင်တီႈဝူၼ်ႉသင်ေၵႃႈဢမ်ႇဢွၵ်ႇသင် ၼႆယူႇ။ ဝၢႆးေသ မႄးမၼ်းၸဝ်ႈ တၼ်းတၼ်းဝိၼ်း လူႉၵႂႃႇယဝ်ႉၼၼ်ႉ ၶိုၼ်းလႆႈထူပ်းၺႃးၵၼ်ၶိုၼ်း တင်းလုၵ်ႈယိင်း ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၵူဝ်းၵၢင်ႉ (MNDAA) “ၽူႈၸျၢင်းသျၢင်း” ေသ  ႄတႇၼႃႈႁိူၼ်းၵၼ်ၸွမ်း။ လႆႈငိၼ်းၵူၼ်းၼ်ႂးၸုမ်းၶဝ် လၢတ်ႈႄတႉ ႄမးေၵႃႉမ်ႂႇၼႆႉ ဢမ်ႇႁၢင်ႈလီ  ဢမ်ႇမီးလွင်ႈၸၼ်ၸ်ႂသင် ႄလႈ ပီးပီးပွၵ်းပွၵ်းဝႆႉၼႆယူႇ။  ၽူႈဢွၼ်ႁူဝ်ၸုမ်းသိုၵ်း ၵူဝ်းၵၢင်ႉ (MNDAA)  ၽူႈၸျၢင်းသျၢင်း  ၼႆႉ  ပဵၼ်ၽူႈမီး ဢမ်းၼၢတ်ႈလူင် ၼ်ႂးၶွင်ၸုမ်းသိုၵ်းၵူဝ်းၵၢင်ႉေသ ႁဵတ်းၵၢၼ် ပၢႆးမၢၵ်ႈမီး ၵႃႉယႃႈ၊ ပဵၼ်ၵူၼ်း ၸိုဝ်ႈသဵင်လိုဝ်းလင် ဝႆႉၼိုင်ႈေၵႃႉ မိူၼ်ၵၼ်ယူႇ။  ဝႆၢးေသ ၸုမ်းသိုၵ်း ၶွမ်ႇမိဝ်ႇၼိတ်ႉမၢၼ်ႈ ပၵပ (CPB) လူႉၵွႆၵႂႃႇယဝ်ႉၼၼ်ႉ  ၽူႈဢွၼ်ႁူဝ် ၵူဝ်းၵၢင်ႉ ၽူႈၸျၢင်းသျၢင်း ေၵႃႇတင်ႈယူင်ႇၸၢၵ်ႈယႃႈ  ေသႁဵတ်းဢွၵ်ႇယႃႈ သူင်ႇၶဝ်ႈတီႈၼ်ႂးမိူင်းႄၶႇ  ႁူမ်ႈၵၼ်တင်းၸုမ်းၵႃႉယႃႈ မိူင်းႄၶႇေသ ပိုၼ်ႇၽၢဝ်ႇၵႃႉၶၢႆယႃႈမႃႉ  ၵႂႃႇၸွတ်ႇတူဝ်ႈထႅင်ႈ။  ၽၢႆႇၼိုင်ႈသမ်ႉ  သူင်ႇပၼ်တီႈ လုၵ်ႈၶူၺ်မၼ်း ၸဝ်ႈၸၢႆးလိုၼ်းေသ  ၸဝ်ႈၸၢႆးလိုၼ်း ၶိုၼ်းသူင်ႇလတ်းၶဝ်ႈၵႂႃႇ  တီႈၼ်ႂးမိူင်းလၢဝ်း(Laos)   ထိုင်ၵႂႃႇတင်း မိူင်းဝႅတ်ႉၼၢမ်း(Vietnam) ႄလႈ မိူင်းၵမ်ႇပူးသျႃး(Cambodia)။  

ၸုမ်းၽၢႆႇၸွပ်ႇၶၢဝ်ႇသၢၼ်ၶတ်းယႃႈမဝ်းၵမ်   ၶဝ်ၵႆႉၵႆႉလႆႈႁၼ်ၺွပ်းၺႃး  ယႃႈမဝ်းၵမ်တီႈ တႃႇႁိုဝ်း “တႃႊၼင်ႊ” (Da Nang Port) မိူင်းဝႅတ်ႉၼၢမ်းၼၼ်ႉ  လႆႈထတ်းလမ်းၸွမ်း တီႈၽူႈေတႃႉသူင်ႇယႃႈမဝ်းၵမ်မႃး ၼၼ်ႉေတႉ ၶဝ်ဢွၼ်ၵၼ် လၢတ်ႈဢွၵ်ႇမႃးဝႃႈ  ယႃႈၸိူဝ်းၼႆႉ  လႆႈဢဝ်မႃးတၢင်းမိူင်းလၢဝ်း  တၢင်းလႅၼ်လိၼ် တႆး၊ ထႆးၼႆယူႇ။ မိူဝ်ႈ 1970 ၼၼ်ႉ   ေတမီးၸုမ်းသုိၵ်း လုၵ်ႉၽိုၼ်ႉသၢၼ်ၶတ်း  လူင်ပွင်ၸုိင်ႈ ၸုမ်းသုိၵ်းမိူင်းဝႅတ်ႉၼၢမ်း   ႁူဝ်ႊၶျီႇမိၼ်း (Ho Chi Minh)*ပဵၼ်ဝဵင်း/ၵူၼ်း* ၶဝ်သေ မိူဝ်ႈၽွင်းၼၼ်ႉ  ၸုမ်းသိုၵ်းမိူင်းဝႅတ်ႉၼၢမ်း ႄလႈ ၸုမ်းသိုၵ်းႄၶႇလႅင် ၶဝ်ပဵၼ် ဢူၺ်းလီၵၼ်  ႄလႈ ၸုမ်းသၢၼ်ၶတ်း လူင်ပွင်ၸိုင်ႈမိူင်းဝႅတ်ႉၼၢမ်းၼၼ်ႉေၵႃႈ   ဢမ်ႇႁတ်းၽိုၵ်းသွၼ်  ၵၢၼ်သိုၵ်း လွတ်ႈလွတ်ႈလႅဝ်းလႅဝ်း ၸွမ်းၸိူဝ်းလႅၼ်လိၼ် ႄၶႇႄလႈဝႅတ်ႉၼၢမ်းႄလႈ  လႆႈၶဝ်ႈမႃး ၽိုၵ်းသွၼ်ၵၢၼ်သိုၵ်း  တီႈၼ်ႂးမိူင်းလၢဝ်းေသ ဢဝ်တၢင်း ၸွႆႈထႅမ်တီႈ  ၸုမ်းသိုၵ်းၸဝ်ႈၸၢႆးလိုၼ်း ၶဝ်ၼၼ်ႉယူႇ။  တႃႇၸုမ်းသိုၵ်း ဢၼ်လုၵ်ႉၽိုၼ်ႉသၢၼ်ၶတ်း ၸုမ်းလူင်ပွင်ၸိုင်ႈ မိူင်းဝႅတ်ႉၼၢမ်းၶဝ်ၼၼ်ႉ  ေတၽိုၵ်းသွၼ်ၵၢၼ်သိုၵ်းၼၼ်ႉေၵႃႈ  ၸဝ်ႈၸၢႆးလိုၼ်း ၵေႃႉဢဝ်ပုၼ်ႈၽွၼ်းေသ လၵ်ႉသူင်ႇၸုမ်းၶဝ်  ၶဝ်ႈၼ်ႂးမိူင်းႄၶႇေသ   သွၼ်ၵၢၼ်သိုၵ်းယူႇ။

ၶဝ်ႈတူၺ်းထႅင်ႈ ၼႃႈလိၼ်မၢႆ (2) တီႈၼႆႈၶႃႈ 

ၶေႃႈမုၼ်း ဢဝ်မႃးၼႂ်းပပ်ႉ  >>> ၸုမ်းသိုၵ်းမိူင်းဝႃႉၽွမ်ႉႁူမ်ႈ (UWSA) လုၵ်ႉတီႈလႂ်မႃး?

• သႅင်သိုၵ်း
• ww.saisengserk.com

Share:

Read More

သုၼ်ႇလႆႈသုၼ်ႇပဵၼ်လုၵ်ႈဢွၼ်ႇပဵၼ်သင်

                        ပေႃးတေလၢတ်ႈ လွင်ႈသုၼ်ႇလႆႈသုၼ်ႇပဵၼ်လုၵ်ႈဢွၼ်ႇ (Child Rights) ၼႆႉ ၵမ်ႉၼမ်မၼ်းပဵၼ် ၵႂၢမ်းလၢႆးႁွင်ႉၶွင်မိူင်းဝၼ်းတူၵ်းၶဝ် ၸႂ်ႉတိုဝ်းမႃး ၸဵမ်မိူဝ်ႈလႂ်ပူၼ်ႉမႃးၼၼ်ႉယူႇယဝ်ႉ။ ထႅင်ႈလွင်ႈၼိုင်ႈၵေႃႈ မၼ်ႈပဵၼ်ၾိင်ႈယမ်လႄႈ ၶေႃႈၸႂ်ႉတိုဝ်းၶွင်ၵူၼ်းမိူင်းဝၼ်းတူၵ်းၶဝ်ၵူၺ်း။. ၵူၺ်းၼႃႇ ဝၼ်းမိူဝ်ႈၼႆႉ မၼ်းပဵၼ်ၵၢပ်ႈပၢၼ် Globalization လႄႈ လႆႈႁဵတ်းၵေႃႉၵၼ် တၢင်းၵူႈမိူင်းမိူင်းလႄႈ ၵူၼ်းတၢင်းၵၢမ်ႇၾႃႇသေ ၸၢင်ႇလႆႈလဵပ်ႈႁဵၼ်းႁူႉမႃးဝႃႈ လွင်ႈသုၼ်ႇလႆႈသုၼ်ႇပဵၼ် ၶွင်လုၵ်ႈဢွၼ်ႇလဵၷ်ႉႁဝ်းမႃးယူႇ။

                        ပေႃးလၢတ်ႈလွင်ႈ သုၼ်ႇလႆႈသုၼ်ႇပဵၼ်လုၵ်ႈဢွၼ်ႇၼႆႉ ၸုမ်းၸိူဝ်းႁဵတ်းၵၢၼ်လုၵ်ႈဢွၼ်ႇလႄႈ ၵၢၼ်သုၼ်ႇလႆႈၶွင်လုၵ်ႈဢွၼ်ႇ သုၼ်ႇလႆႈၵူၼ်းၸိူဝ်းၼႆႉ မၼ်းမီးၼမ်ၼႃႇ ၼပ်ႉဢၢၼ်ႇၸုမ်းမၼ်းပေႃး ဢမ်ႇလႆႈယဝ်ႉ။ ယၢမ်းလဵဝ်တေႉ ၶႃႈတေၶိုၼ်းမႃး သပ်ႉလႅင်းလႄႈ ပိၼ်ႇပၢႆႈလႅၵ်ႈလၢႆႈတၢင်းႁူႉၵၼ်ၵႂႃႇဝႃႈ သုၼ်ႇလႆႈသုၼ်ႇပဵၼ်လုၵ်ႈဢွၼ်ႇတေႃႇၵေႃႉမီးသင် ပဵၼ်သင်ၼႆၵႂႃႇယူႇ။

1. လွင်ႈၵိၼ်လွင်ႈယိမ်ႉ (Food)
   
2. ၼမ်ႉ (Water)
3. ႁူင်းႁဵၼ်း (School)
4. လွင်ႈႁူမ်ႈလူမ်ႈ (Safety)
5. လွင်ႈလွတ်ႈလႅဝ်း (Freedom)
6. တီႈယူႇတၼ်းသဝ်း ႁိူၼ်းယေး (Home)

                         ၼႂ်း (6) ႁူဝ်ၶေႃႈၼႆႉ ပဵၼ်သုၼ်ႇလႆႈသုၼ်ႇပဵၼ်လုၵ်ႈဢွၼ်ႇၶဝ် ဢၼ်ၶဝ်ထုၵ်ႇလီလႆႈႁပ်ႉလႄႈ တီႈဢၼ်လုၵ်ႈဢွၼ်ႇၶဝ် လၢတ်ႈဢွၵ်ႇမႃးၼၼ်ႉယဝ်ႉ။ လိူဝ်သေၼၼ်ႉၵေႃႈ မၼ်းတေမီးထႅင်ႈတၢင်းၼမ်ယူႇ သုၼ်ႇလႆႈသုၼ်ႇပဵၼ်လုၵ်ႈဢွၼ်ႇၼႆႉ မၼ်းၵႂၢင်ႈၶႂၢင်ႁႅင်းၼႃႇ ယွၼ်ႉဝႃႈ လုၵ်ႈဢွၼ်ႇၼႆႉ မၼ်းလွင်ႈယႂ်ႇတွၼ်ႈ တႃႇဝၢၼ်ႈမိူင်းၼိုင်ႈလုၵ်ႈ။

                      ၵဵဝ်ႇလူၺ်ႈၼႂ်း (6) ႁူဝ်ၶေႃႈၼႆႉ ယူႇတီႈၸုမ်းႁဵတ်းၵၢၼ်ၸွႆႈထႅမ်ႈၵူၼ်းတၢင်းၼမ် ၸုမ်း Heart ၶဝ် လႆႈၶူၼ်ႉၶႂၢၼ်ႉ တွင်ႈထၢမ်ႇတူၺ်းတီႈ လုၵ်ႈဢွၼ်ႇ ၵူႈတီႈတီႈသေ လုၵ်ႈဢွၼ်ႇၵမ်ႉပႃႇၼမ်ၼႆႉ လႆႈဢွၼ် ၵၼ်လၢတ်ႈဢွၵ်ႇမႃးၸိူဝ်းၼႆၵမ်ႉၼမ် ပႃးတၢင်းလုၵ်ႈဢွၼ်ႇတီႈ မိူင်းတႆးႁဝ်း တီႈႁဝ်းယူႇသဝ်းပႃးမိူၼ်ၵၼ်ဝႆႉယူႇ။ လုၵ်ႈဢွၼ်ႇၵူႈၵေႃႉၼႆႉ ၶဝ်မီးပၢႆးဝူၼ်ႉပႅၵ်ႈပိူင်ႈၵၼ်ၵူႈ ၵေႃႉလႄႈ မီးပၢႆးဝူၼ်ႉၼုမ်ႇၼုမ်ႇၵၼ်ဝႆႉၵူႈၵေႃႉ လူဝ်ႇဝႃႈ မၢင်လွင်ႈၶဝ်တေဢမ်ႇပႆႇႁူႉပွင်ႇၸႂ်ဝႃႈ လွင်ႈၽိတ်း လွင်ႈထုၵ်ႇၵႃႈၼၼ်ႉၵူၺ်း။

                        ၶႃႈၶဝ်ၵေႃႈ လႆႈႁဵတ်းၵေႃႉ လႆႈၶိုၼ်ႈပၢင်သွၼ်မႃးလၢႆလၢႆပၢင်လႄႈ လႆႈႁူပ်ႉၺႃး ၵူၼ်းၵူႈမိူင်း မိူင်းဢၼ်ႁဵတ်း ၵၢၼ်သုၼ်ႇလႆႈသုၼ်ႇပဵၼ်လုၵ်ႈဢွၼ်ႇ ၼႆႉ မႃးမိူၼ်ၵၼ်ၵူႈၶၢဝ်းယၢမ်းယူႇ။ လၢႆလၢႆၵေႃႉၵေႃႈ ပၢႆးဝူၼ်ႉပိူင်ႈၵၼ်လႄႈ တီးဢၼ်ဢမ်ႇမိူၼ်ၵၼ်ၵေႃႈ လႆႈႁူပ်ႉလႆႈႁၼ်မႃးမီးတၢင်းၼမ်ယူႇ ဢိင်ႇၼိူဝ်ငဝ်းလၢႆး တီႈပိူၼ်ႈတီႈႁဝ်းလႄႈ ငဝ်းလၢႆးပိုၼ်ႉတီႈ တီႈႁဝ်းယူႇသဝ်းၼၼ်ႉၵူၺ်း။ ပေႃးမႃးတူၺ်း လုၵ်ႈဢွၼ်ႇတီႈပိူၼ်ႈလႄႈ တီႈႁဝ်းၼႆႉ မၼ်းပိူင်ႈၵၼ်ႁႅင်းၼႃႇ လုၵ်ႈ ဢွၼ်ႇတီႈပိူၼ်ႈၼႆႉ ယႂ်ႇၶိုၼ်ႈမႃးၼႂ်းၵၢၼ်ႁဵၼ်းၵၢၼ်သွၼ်လႄႈ တူင်ႇဝူင်းၶိုတ်းၸၼ်ႉၵေႃႈမီး ပေႃးမႃးတူၺ်း လုၵ်ႈဢွၼ်ႇတီႈႁဝ်းသမ်ႉ ယႂ်ႇၶိုၼ်ႈမႃး ၼိူဝ်လင်ဝူးလင်ၵႂၢႆး တၢင်းႁူႉလႄႈ ငဝ်ႈၶၢမ်ႇပိုၼ်ႉ လွင်ႈယူႇၵိၼ်သၢင်ႈသဝ်းၵေႃႈ ပိူင်ႈၵၼ်ႁႅင်းဝႆႉ။

                        ၸွမ်းၼင်ႇ လႆႈႁူပ်ႉလႆႈထူပ်းၺႃး ၸွမ်းၼႂ်းပိုၼ်ႉတီႈ လုၵ်ႈဢွၼ်ႇတႆးႁဝ်း ၵမ်ႉၼမ် ဢမ်ႇၶဝ်ႈၸႂ် လႄႈ ဢမ်ႇသူၼ်ၸႂ်လွင်ႈလိၵ်ႈလၢႆးလႄႈ ၵၢၼ်ႁဵၼ်းႁူႉပၺ်ႇၺႃႇသင်  ၵေႃႉပဵၼ်ပေႃႈမႄႈၵေႃႈ ဢမ်ႇပၼ်ႁႅင်း ၵၢၼ်သွၼ်ၵၢၼ်ႁဵၼ်းသင်တေႉတေႉ  ဢွၼ်ၵၼ်ႁူႉဝႆႉဝႃႈ ပေႃးမီးလုၵ်ႈလၢင်းမႃး တွၼ်ႈတႃႇတေၸႂ်ႉၵိၼ်ႁႅင်း ၶဝ်မိူဝ်ႈထဝ်ႈလႄႈ မိူဝ်ႈၼုမ်ႇ ၸႂ်ႉလုၵ်ႈဢွၼ်ႇႁဵၼ်းၵၢၼ် ႁႃငိုၼ်းတွင်းလွင်ႈလဵဝ်ၵူၺ်း. ၵမ်ႉၼမ် ဢမ်ႇတွၼ်ႉဝူၼ်ႉပၼ် တွၼ်ႈတႃႇဢႃႇၼႃႇၵၢတ်ႇ လုၵ်ႈလၢင်းၶဝ် ႁႂ်ႈပဵၼ်သႅင်လီမီးငိုၼ်းၵိုတ်းပိုၼ်း။

• သႅင်သိုၵ်း
• www.saisengserk.com

Share:

Read More

တႃႇတူင်ႇဝူင်းၵူၼ်း မိူဝ်ႈၽွင်းမီးပၢင်တိုၵ်းယိုဝ်း

 

                        မႂ်ႇသုင်ၶႃႈ ဢွၼ်တၢင်းသုတ်း ၶႂ်ႈယွၼ်းၶႂၢင်ႉထိုင် ၽူႈပိၼ်ႇၽႃႇသႃႇလႄႈ ၸုမ်း Geneva Call ၶဝ်သေ တွၼ်ႈတႃႇ ၵူၼ်းတၢင်းၼမ် တေလႆႈႁပ်ႉ ႁူႉၶေႃႈမုၼ်းလႄႈ လႆႈတၢင်းႁူႉၵႂႃႇ ၵဵဝ်ႇလူၺ်ႈလွင်ႈ တႃႇတူင်ႇဝူင်းၵူၼ်း မိူဝ်ႈၽွင်းမီးလွင်ႈၶွင်ႈၶမ်ၵၢၼ်တိုၵ်းယိုဝ်းၵၼ် ၼႂ်းပၢင်တိုၵ်းၼၼ်ႉ တွၼ်ႈတႃႇၵူၼ်းမိူင်း (15) ၶေႃႈၼၼ်ႉ ၶိုၼ်းၶႆႈမႃးပိၼ်ၸႅၵ်ႇပၼ်တၢင်းႁူႉၵႂႃႇထိုင်တီႈ ၽူႈလူႇလိၵ်ႈပၼ်ႁႅင်းၶႃႈႁဝ်းၵႂႃႇယူႇ။ လၵ်းလၵ်းမၼ်းတေႉ မိူဝ်ႈၽွင်းယၢမ်းပဵၼ်ပၢင်တိုၵ်း ဢွင်ႈတီႈပၢင်တိုၵ်း တီႈဢမ်ႇလွတ်ႈၽေးၼၼ်ႉၼႂ်းၵႄႈၵေႃႉသိုၵ်းလႄႈ ၵူၼ်းမိူင်း တေလႆႈမီးၶေႃႈတိုဝ်းၵမ်ၵၼ်ၸိူင်ႉႁိုဝ်ၼႆၵမ်ႉၼမ်ဝႆႉယူႇ။

                    ယိူင်းဢၢၼ်းၶွင်ၶေႃႈၵႂၢမ်း (15)ၶေႃႈၼႆႉပဵၼ် တႃႇလၢတ်ႈၼႄ ပီႈၼွင်ႉၵူၼ်းမိူင်းၶဝ်လွင်ႈပုၼ်ႈ

ၽွၼ်း ၸုမ်းယိပ်းၵွင်ႈၵၢင်ႇၶဝ် ဢၼ်မီးတေႃႇပေႃႈမႄႈပီႈၼွင်ႉၵူၼ်း မိူင်းသေဢမ်ႇၵႃး ဢိင်ၼိူဝ် ပုၼ်ႈၽွၼ်းၸုမ်းယိပ်းၵွင်ႈၵၢင်ႇၶဝ်ၼၼ် သေ ၿႃႈမႄႈပီႈၼွင်ႉၵူၼ်းမိူင်းၶဝ် တေၸၢင်ႈႁဵတ်းသၢင်ႈသင်လၢႆလၢႆ ၼင်ႇႁိုဝ်လွင်ႈၵႅတ်ႇၶႄႁေႉၵင်ႈ တေတိူဝ်းၶႅမ်ႉမႃးၼႆယူႇ။

                        မၼ်းဢမ်ႇလႆႈမၢႆထိုင်ဝႃႈ ပေႃႈမႄႈပီႈၼွင်ႉၵူၼ်းမိူင်းၶဝ် မီးပုၼ်ႈၽွၼ်းၼိူဝ်ၵၢၼ်ၼပ်ႉထိုင်မၢႆမီႈ ၵၢၼ်ၸွႆႈထႅမ်ၵၼ် လူၺ်ႈၼမ်ႉၸႂ်ၵူၼ်း (IHL)  မိူၼ်ၼင်ႇ ဢမ်ႇၵႂႃႇလၵ်ႉၶူဝ်းၶွင်ပိူၼ်ႈ မိူဝ်ႈပဵၼ်ပၢင်တိုၵ်း ၼၼ်ႉၼႆယဝ်ႉ။ ယွၼ်ႉၼၼ်လႄႈ ၶေႃႈၵႂၢမ်း (15) ၶေႃႈၼႆႉ ပဵၼ်တွၼ်ႈတႃႇပၼ်ၶၢဝ်ႇတီႈ ပီႈၼွင်ႉၵူၼ်းမိူင်းၶဝ် မိူဝ်ႈႁဵတ်းသၢင်ႈၵၢၼ်ၵႅတ်ႇၶႄတူဝ်ၵဝ်ႇ တေႃႇၽေးၽွၼ်းယွၼ်ႈ ၶွင်ပၢင်တိုၵ်းၼၼ်ႉၶႃႈယဝ်ႉ။

                    ၶေႃႈၵႂၢမ်း (15)ၶေႃႈ တွၼ်ႈတႃႇတူင်ႇဝူင်းၵူၼ်းႁဝ်း မိူဝ်ႈၽွင်းမီးလွင်ႈၶွင်ႈၶမ်ၵၢၼ်တိုၵ်းယိုဝ်းၵၼ်ယူႇၼၼ်ႉပဵၼ် 

• မိူဝ်ႈၽွင်းမီးလွင်ႈၶွင်ႈၶမ်ၵၢၼ်တိုၵ်းယိုဝ်းၼၼ်ႉ ပီႈၼွင်ႉၵူၼ်းမိူင်းၶဝ် မီးသုၼ်ႇလႆႈ လွင်ႈၼပ်ႉထိုင်လႄႈ လွင်ႈၵႅတ်ႇၶႄႁေႉၵင်ႈ ၼင်ႇႁိုဝ်တေဢမ်ႇလူႉသုမ်း လွင်ႈၵႅတ်ႇၶႄႁေႉၵင်ႈၶဝ်ၼၼ်ႉ ၵူၼ်းမိူင်းတေၸၢင်ႈလႅၵ်ႈလၢႆႈ လွင်ႈႁဵတ်းသၢင်ႈၶဝ်ယူႇ။

• ၵူၼ်းမိူင်း ၊ ၶူဝ်းၶွင်ပိူင်ႇၶဝ်လႄႈ ၶူဝ်းၶွင်တႃႇၵူၼ်းတၢင်းၼမ်ၼႆႉ မီးသုၼ်ႇလႆႈလွင်ႈၵႅတ်ႇၶႄႁေႉၵင်ူဝႆႉလႄႈ တၵ်းဢမ်ႇထုၵ်ႇလီၺႃးတိုၵ်းဢဝ်လႃးလႃး။

• တႃႇတေငိူင်ႉဝႄႈၽေးပၢင်တိုၵ်းလႆႈၼၼ်ႉ ၵူၼ်းမိူင်းထုၵ်ႇလီငိူင်ႉဝႄႈလွင်ႈယူႇၸမ် ၊ ၵႂႃႇမႃးႁိမ်းၸမ်တပ်ႉသိုၵ်း ၊ ဢွင်ႈတီႈပွင်ၵၢၼ်သိုၵ်းလႄႈ ၶူဝ်းၶွင်သိုၵ်းၸွမ်းၼင်ႇပွင်ပဵၼ်လႆႈ။

• ပေႃႈမႄႈပီႈၼွင်ႉၵူၼ်းမိူင်းၵိုင်ႇလီငိူင်ႉဝႄႈ လွင်ႈၸႂ်ႉတိုဝ်း ၶူဝ်းၼုင်ႈတၢင်းဝႆ ဢမ်ႇၼၼ် မိၵ်ႈမၢႆ ဢၼ်ၵဵဝ်ႇၵပ်းတၢင်းသိုၵ်း ၼင်ႇႁိုဝ်တၢင်ႇၵေႃႉ တၢင်ႇၸုမ်း တေဢမ်ႇလႆႈထၢင်ႇထိူမ်ဝႃႈ ၶဝ်ၶဝ်ႈႁူမ်ႈၸွမ်း ၼႂ်းပၢင်တိုၵ်းလႄႈ ပၢင်သိုၵ်း။

• ၵူၼ်းမိူင်းတေၸၢင်ႈလူႉသုမ်း သုၼ်ႇလႆႈလွင်ႈၵႅတ်ႇၶႄႁေႉၵင်ႈၶဝ် သင်ဝႃႈၶဝ် ၶဝ်ႈႁူမ်ႈၸွမ်းၼႂ်းၵၢၼ်တိုၵ်းယိုဝ်းမိူၼ်ၼင်ႇ ယိပ်းၵွင်ႈၵၢင်ႇသေ တိုၵ်းတေႃးတေႃႇ ၸုမ်းသိုၵ်းသေၸုမ်းၸုမ်း ဢမ်ႇၼၼ် ၵဵပ်းႁွမ်ၶၢဝ်ႇငၢဝ်းၶေႃႈမုၼ်းပၼ်ၸုမ်းသိုၵ်း သေၸုမ်းၸုမ်း။

• ၵူၼ်းမိူင်းၶဝ် ဢမ်ႇထုၵ်ႇလီၺႃးၵၢၼ်ဢဝ်ပဵၼ်တူဝ်ယိူဝ်ႇ။ သင်ဝႃႈထူပ်းၺႃးၵေႃႈၶဝ်တိုၼ်းလူဝ်ႇလႆႈ လွင်ႈၵႅတ်ႇၶႄႁေႉၵင်ႈ တဵမ်တဵမ်ထူၼ်ႈထူၼ်ႈယူႇ။

• ၵူၼ်းမိူင်းၶဝ် တိုၼ်းဢမ်ႇလူဝ်ႇလႆႈၺႃးလွင်ႈတဵၵ်းၸႂ်ႉၵိၼ်ႁႅင်းလၢႆလႃးလႃး။

• ၽူႈထုၵ်ႇၵုမ်းၶင်ဝႆႉ ဢမ်ႇဝႃႈပဵၼ်ၵူၼ်းသိုၵ်း ႁိုဝ် ၵူၼ်းမိူင်းမီးသုၼ်ႇလႆႈလွင်ႈၵႅတ်ႇၶႄ ႁေႉၵင်ႈလႄႈ တိုၼ်းထုၵ်ႇလီလႆႈ လွင်ႈသိူၵ်ႈသမ်ႇ လူၺ်ႈၵူၼ်းၼင်ႇၵူၼ်း။

• ၽူႈလႆႈၶၢႆႉလႆႈဢွင်ႈတီႈၶဝ် ထုၵ်ႇလီလႆႈမီး တီႈယူသၢင်ႈၵိၼ်သဝ်း ၊ လွင်ႈမူတ်းသႂ် ၊ ပၢႆးယူႇလီ ၊ လွင်ႈႁူမ်ႇလူမ်ႈလႄႈ ဢႁႃႇရႃႇ (ထၼ်ႈလဵင်ႉၸႂ်) ဢၼ်ၵိုင်ႇငမ်ႇ။ တေဢမ်ႇလႆႈၽႄၵူၼ်းၼႂ်းမုင်ႉႁေႃႁိူၼ်း ႁႂ်ႈတႅၵ်ႇယၢႆႈၵၼ် ၵေႃႉတီႈၵေႃႉတၢင်းလႃးလႃး။

• ၵူၼ်းၵူႈၵေႃႉ မီးသုၼ်ႇလႆႈ လွင်ႈၵႅတ်ႇၶႄႁေႉၵင်ႈ ယႃႇႁႂ်ႈထူပ်းၺႃး လွင်ႈႁဵတ်းႁၢႆႉၸႃႉတၢင်းၵႃႇမႃႉ တိုဝ်ႉၼိူဝ်ႉတိုဝ်ႉတူဝ်။

• လုၵ်ႈဢွၼ်ႇၶဝ် မီးသုၼ်ႇလႆႈလွင်ႈၵႅတ်ႇၶႄႁေႉၵင်ႈ ပေႃးမႄႈပီႈၼွင်ႉၵူၼ်းမိူင်းၶဝ် ဢမ်ႇထုၵ်ႇလီသေႃႇသူၼ်း ႁႂ်ႈလုၵ်ႈဢွၼ်ႇၶဝ် ၶဝ်ႈႁူမ်ႈၼႂ်းၸုမ်းသိုၵ်းလႃးလႃး။ ၵႃၼင်ႇႁဵတ်းပဵၼ်လႆႈၼၼ်ႉ ပေႃးမႄႈပီႈၼွင်ႉၵူၼ်းမိူင်းၶဝ် တေလႆႈႁဵတ်းၵူႈလွင်ႈလွင်ႈၼင်ႇႁိုဝ်တေငိူင်ႉဝႄႈလႆႈ လွင်ႈဢဝ်လုၵ်ႈဢွၼ်ႇ ၵႂႃႇႁဵတ်းသိုၵ်းၼၼ်ႉ။

• ႁူင်းႁဵၼ်းလႄႈ ၸၼ်ႉၸွမ်ၼႆႉ တိုၼ်းမီးသုၼ်ႇလႆႈလွင်ႈၵႅတ်ႇၶႄႁေႉၵင်ႈလႄႈ တၵ်းတေဢမ်ႇလႆႈထုၵ်ႇၸႂ်ႉတိုဝ်း ႁႂ်ႈပဵၼ်ဢွင်ႈတီႈယိူင်းဢၢၼ်းၸတ်းၵၢၼ်သိုၵ်းလႄႈ သေဢမ်ႇၵႃး တၵ်းတေဢမ်ႇလႆႈၺႃးလွင်ႈတိုၵ်းတေႃးတေႃႇတီႈႁူင်းႁဵၼ်းၼၼ်ႉလႃးလႃး။ လုၵ်ႈဢွၼ်ႇလႄႈ ၽူႈႁၢပ်ႇၵၢၼ် ပၢႆးပၺ်ႇၺႃႇ တိုၼ်းမီးသုၼ်ႇလႆႈၵႂႃႇၶိုၼ်ႈႁွတ်ႈထိုင်တီႈႁူင်းႁဵၼ်း ႁူမ်ႇႁူမ်ႇလူမ်ႈလူမ်ႈ လူၺ်ႈဢမ်ႇလူဝ်ႇလႆႈထူပ်းၺႃး လွင်ႈယႃႉၵဝ်းသင်။

• ၽူႈႁၢပ်ႇၵၢၼ်ၽၢႆႇယူႇလီ ၊ ၶိူင်ႈၶူဝ်းၵမ်ႉထႅမ်ၽၢႆႇယူႇလီလႄႈ ၵၢၼ်တေႃႉသူင်ႇ ၽၢႆႇယူႇလီၸိူဝ်းၼႆႉ တိုၼ်းလူဝ်ႇလႆႈဝႆႉၵႃႈၶၢၼ် ၼပ်ႉထိုင်လႄႈ တိုၼ်းမီးသုၼ်ႇလႆႈ လွင်ႈၵႅတ်ႇၶႄႁေႉၵင်ႈ။ ၵူၼ်းမိူင်းလႄႈ ၵူၼ်းသိုၵ်း ၵူႈၵေႃႉၵူႈၸုမ်းၸုမ်း မီးသုၼ်ႇလႆႈလွင်ႈယူတ်းယႃ လုမ်းလႃးၽၢႆႇယူႇလီ။

• ၵူၼ်းမၢတ်ႇၸဵပ်း ၊ ၵူၼ်းဢမ်ႇယူႇလီလႄႈ ၵူၼ်းတၢႆ (ဢမ်ႇဝႃႈပဵၼ်ၽႂ်လႂ်လႄႈ ၸုမ်းလႂ်) တိုၼ်းမီးသုၼ်ႇလႆႈလွင်ႈၵႅတ်ႇၶႄႁေႉၵင်ႈ။ ၵူၼ်းမိူင်းႁဝ်းၶဝ် ၸၢင်ႈလုမ်းလႃး တူၺ်းထိုင်ပၼ်ၶဝ်လႆႈယူႇ။ လွင်ႈၼႆႉဢမ်ႇၸႂ်ႈၵၢၼ်ၶဝ်ႈႁူမ်ႈၸွမ်း  ၼႂ်းၵၢၼ်တိုၵ်းသိုၵ်း တႃႇတုမ်ႉတိုဝ်ႉတၢင်ႇၸုမ်းၸိူဝ်းသင်ၽႂ်။

• ၽူႈႁၢပ်ႇၵၢၼ်လႄႈ ၶူဝ်းၶွင် ၽၢႆႇၸွႆႈထႅမ်ၵၼ်လူၺ်ႈၼမ်ႉၸႂ်ၵူၼ်းၼႆႉ မီးသုၼ်ႇလႆႈ လွင်ႈၵႅတ်ႇၶႄႁေႉၵင်ႈလႄႈ တိုၼ်းဢမ်ႇလူဝ်ႇလႆႈၺႃး လွင်ႈတိုၵ်းယိုဝ်းသႂ်ႇ။ ၵူၼ်းမိူင်းၸိူဝ်းလူဝ်ႇတၢင်းၸွႆႈထႅမ်ၼၼ်ႉ ထုၵ်ႇလီလႆႈႁပ်ႉၵၢၼ် ၸွႆႈထႅမ်ၵၼ် လူၺ်ႈၼမ်ႉၸႂ်ၵူၼ်း ဢၼ်ဢမ်ႇမီးဢမ်ႇပဵၼ် တႃႇႁႂ်ႈၶဝ်တေယူႇလွတ်ႈလႆႈ။

                        ၶေႃႈၵႂၢမ်း (15) ၶေႃႈ တွၼ်ႈတႃႇတူင်ႇဝူင်းၵူၼ်း မိူဝ်ႈၽွင်းမီးလွင်ႈၶွင်ႈၶမ်ၵၢၼ်တိုၵ်းယိုဝ်း ပဵၼ်ပၢင်တိုၵ်းၵၼ်ယူႇၼၼ်ႉ  ၵမ်ႉၼမ်မၼ်းပဵၼ် လွၵ်းလၢႆးၵူႈမိူင်းမိူင်းၶဝ် တူၵ်းလူင်းလႆႈၸႂ်ၵၼ်လႄႈ ႁၼ်လီၵမ်ႉထႅမ်လႄႈ ဢွၼ်ၵၼ်ႁဵတ်းသၢင်ႈၸွမ်း ၸွမ်းၼင်ႇပွင်ပဵၼ်လႂ်တီႈၽႂ်တီႈမၼ်းၵႂႃႇယူႇ။

                        ယူႇတီႈ ၸုမ်းယိပ်းၵွင်ႈၵၢင် ၸၢဝ်းၶိူဝ်းၼႂ်းမိူင်းၸိုင်ႈတႆး ၼႂ်းမိူင်းႁူမ်ႈတုမ်ႇမိူင်းမၢၼ်ႈၶဝ်ၵေႃႈ ၸုမ်းၸိူဝ်းဢၼ်လႆႈ လူင်းလၢႆးမိုဝ်းဝႆႉၸိူဝ်းၼၼ်ႉၵေႃႈ လႆႈႁၼ်ၶဝ်ဢွၼ်ၵၼ် ၶတ်းၸႂ်ႁဵတ်ႈသၢင်ႈၵႂႃႇၸွမ်းမိူၼ်ၵၼ်ဝႆႉယူႇ။ ယိူင်းဢၢၼ်းလူင် တွၼ်ႈတႃႇ မုၵ်ႉၸုမ်း Geneva Call ၶဝ်တေႉ ပဵၼ်တွၼ်ႈတႃႇ သုၼ်ႇလႆႈသုၼ်ႇပဵၼ်လုၵ်ႈဢွၼ်ႇလႄႈ ႁႂ်ႈလုၵ်ႈဢွၼ်ႇ ႁူၼ်ႈမုၼ်းယႂ်ႇၶိုၼ်ႈမႃးၸွမ်းၼင်ႇ သၽႃႇဝလႄႈ ႁႂ်ႈၶဝ်မီးသုၼ်ႇသိုပ်ႇမီးဢႃႇသၢၵ်ႇမႃးလႄႈ ဝႆႉၼမ်ႉၼၵ်ႉၼိူဝ်လုၵ်ႈဢွၼ်ႇၵမ်ႉပႃႇၼမ်ဝႆႉယူႇ။

• သႅင်သိုၵ်း
• www.saisengserk.com

Share:

Read More

ၶၢဝ်ႇထႆးလႄႈ ပၢၼ်ပဵၼ်ၶူးသွၼ်

                        ၼႂ်းၶၢဝ်းတၢင်း ပၢၼ်ပဵၼ်မေႃသွၼ် ၶူးသွၼ်လႄႈ ထိုင်လႆႈမႃးၶိုၼ်ႈႁပ်ႉပႃး ၽူႈၵွၼ်းႁူင်းႁဵၼ်း ၼႆႉ. လႆႈႁပ်ႉၽၢႆႇၽူႈဢဝ်ၶၢဝ်ႇ ထႆးလၢႆလၢႆၶွင်ႉလႄႈ ၽူႈဢဝ်ၶၢဝ်ႇ ၸုမ်းၽၢႆႇၸၢဝ်းၶိူဝ်းလႄႈ ၽူႈဢဝ်ၶၢဝ်ႇ ၼႂ်းမိူင်းႁူမ်ႈတုမ်ႇမိူင်းမၢၼ်ႈပႃး လၢႆလၢႆဢၢၼ်ယူႇ။  ၵၢၼ်ၵူၼ်းတၢင်းၼမ်ၼႆႉ ပေႃးဢမ်ႇမီးလွင်ႈယဵၼ်ႉၵၼ်ႈလႄႈ ၵၢၼ်ၶႆႈႁဵတ်းၶႆႈသၢင်ႈတေႉတေႉၼၼ်ႉ မၼ်းတိုၼ်းတေယူႇယဵၼ်ႉၵၼ်ႈဢမ်ႇလႆႈ။

                        ပၢၼ်ပဵၼ်ၽဝ မေႃသွၼ် ၶူးသွၼ် ၸိူဝ်းၼႆႉ ဢမ်ႇမီးငိုၼ်းလိူၼ်ၼမ် ဢမ်ႇမီးႁိူၼ်းယေးၶိုၵ်ႉၶႅမ်ႉမိူၼ်ပိူၼ်ႈ. ငိုၼ်းလိူၼ်ၶူးၼႆၵေႃႈဢမ်ႇမီး လိူဝ်သေမီးငိုၼ်း ၸွႆႈၵႃႈၵိၼ်ယိမ်ႉလႄႈ ၵႃႈသပ်ႉပျႃႇၸိူဝ်းၼႆႉၵူၺ်း။

• Insight into an educator's journey

                      ၼႂ်း Video ၼႆႉ ယူႇတီႈၽူႈဢဝ်ၶၢဝ်ႇထႆး TNN ၶဝ် တွင်ႈထၢမ်ႇတေႉ တေပဵၼ်ၵဵဝ်ႇလူၺ်ႈ ၽဝတီႈလႆႈ တႅပ်းတတ်းသဵင်ႈၸႂ်သေၶဝ်ႈမႃးႁဵတ်းပဵၼ်မေႃသွၼ် ၶူးသွၼ်တီႈငဝ်ႈၸိုင်ႈ ၊ ၶႂ်ႈႁႂ်ႈလုၵ်ႈဢွၼ်ႇပဵၼ်သင်မိူဝ်းၼႃႈ ၊ ၼႂ်းႁူင်းႁဵၼ်းၼႆႉ မီးၽႃႇသႃၵၢၼ်သွၼ်သင်လႄႈ ၵၢၼ်သွၼ်ၵၢၼ်ႁႃလဵင်ႉတွင်ႉဢီႈသင် ၊ ၶၢဝ်းယၢမ်းၸတ်းၵၢၼ်လႄႈ ထတ်းၵၢၼ် လိူဝ်သေၶၢဝ်းယၢမ်းၸိူဝ်းၼၼ်ႉ ၶၢဝ်းယၢမ်းသုၼ်ႇတူဝ်သမ်ႉ ႁဵတ်းသၢင်ႈသင်ၸိူဝ်းၼႆႉၵႂႃႇပႃးၵူႈလွင်ႈလွင်ႈယူႇ။

#သႅင်သိုၵ်း

www.saisengserk.com

Share:

Read More